*बिनिता छेत्री aha को Dance Ikon Season 2 विजेता घोषित, करिब ९ लाख मत प्राप्त*
नन्द किराती देवान
भारतभरका नृत्यप्रेमीहरूका लागि ऐतिहासिक पलको रूपमा, ८ वर्षीया प्रतिभाशाली बालिका बिनिता छेत्री आधिकारिक रूपमा Dance Ikon Season 2 को विजेता घोषित भएकी छिन्। Aha मा प्रसारण भएको यो लोकप्रिय रियालिटी नृत्य प्रतियोगितामा असमको कार्बी आङ्लोङ प्रतिनिधित्व गर्दै उनले प्रभावशाली प्रस्तुति र आत्मस्पर्शी कथा–शैलीमार्फत लाखौं दर्शकको मन जितिन्।
उनीको यो सफलता न केवल भारतमै सीमित रह्यो, यसले अन्तर्राष्ट्रिय स्तरमा पनि ध्यान खिच्यो। यस वर्षको सुरुमा, Britain’s Got Talent मा प्रस्तुत गरिएको बिनिताको नृत्यले सामाजिक सञ्जालमा १० करोडभन्दा बढी दृश्य संख्या प्राप्त गर्दै भाइरल भयो। उनको प्रस्तुति BGT का निर्णायकहरूबाट अत्यधिक प्रशंसा पायो, जुन प्रशंसा पछि Dance Ikon मा पनि दोहोरियो। असमका मुख्यमन्त्री डा. हिमन्त विश्व शर्मा ले बिनिताको प्रशंसा गर्दै उनलाई “असमको गौरव र उदाउँदो तारा” भनेर सम्मान गरेका थिए।
विजेता घोषित भएपछि बिनिताले भनेकी थिइन्, “यो यात्रा मेरो लागि सपना जस्तै रह्यो। मलाई साथ दिने सबैलाई म हृदयदेखि धन्यवाद दिन चाहन्छु—विशेषगरी मलाई विश्वास गरेर मत दिनु हुने दर्शकहरूलाई। तपाईंहरूको अमूल्य साथले गर्दा मैले करिब ९ लाख मत प्राप्त गरेँ—यो संख्या म कहिल्यै बिर्सन सक्दिन।”
बिनिताको यो जित केवल व्यक्तिगत उपलब्धि मात्र होइन, उनको परिवार, गुरूहरू र सम्पूर्ण कार्बी आङ्लोङ समुदायको सामूहिक विजयको रूपमा पनि लिइएको छ, जसले उनलाई पूर्ण समर्थन दिएका थिए। प्रतियोगिता भर उनले आफ्नो उमेरभन्दा धेरै परिपक्वता, बहुपक्षीयता र आत्मविश्वास देखाइन्—बारम्बार निर्णायकहरूको प्रशंसा र सामाजिक सञ्जालमा ट्रेन्डिङ बन्न सफल भइन्।
यो प्रतिष्ठित उपाधिसँगै बिनिता छेत्री अब सम्पूर्ण भारतका लागि प्रेरणादायी बाल नृत्य प्रतिभाको रूपमा स्थापित भएकी छिन्। उनको प्रतिभा, नम्रता र दृढ संकल्पले देखाउँछ कि निष्ठा र परिश्रमले के-कसरी सपना साकार पार्न सकिन्छ।
- End of Report -
*थप जानकारीका लागि सम्पर्क गर्नुहोस्:*
अमर छेत्री (बिनिता छेत्रीका पिता)
+918638459760
*म अत्यन्तै आभारी छु र अत्यधिक खुसीका साथ जानकारी गराउँछु कि म Dance Ikon Season 2 को विजेता घोषित भएकी छु!*
यो यात्रा मेरो लागि सपना जस्तै रह्यो र यसमा साथ दिनु भएका हरेक व्यक्तिलाई म हृदयदेखि धन्यवाद दिन चाहन्छु। मलाई उत्साहित गर्ने दर्शकहरू, विश्वास गर्ने आम जनसमुदाय, मेरो यात्रा समेट्ने मिडिया र विशेषगरी मलाई मत दिई साथ दिनु हुने सम्पूर्णलाई एउटा विशेष धन्यवाद! तपाईंहरूको अमूल्य समर्थनले गर्दा मैले करिब ९ लाख मत पाएको छु—यो संख्या म कहिल्यै बिर्सन सक्दिन।
यो जित मेरो लागि र मेरो परिवारका लागि अत्यन्तै महत्वपूर्ण छ—जसले हरेक रिहर्सल, प्रस्तुति र चुनौतीमा मलाई निरन्तर साथ दिएका छन्।
हामी सबै उत्साहित छौं र खुसी साट्न चाहन्छौं, तर म सबैलाई कृपया हाललाई कार्यक्रमसँग सम्बन्धित कुनै पनि फोटो वा भिडियो सामाजिक सञ्जालमा नपोष्ट गर्न वा अपलोड नगर्न अनुरोध गर्दछु। कार्यक्रमको आधिकारिक घोषणा आउँदो शुक्रबार गरिनेछ, र प्रोडक्सन कम्पनी तथा च्यानलले सो अवधिसम्म कुनै पनि दृश्य सामाग्री सार्वजनिक नगर्न स्पष्ट निर्देशन दिएका छन्। तपाईंहरूको समझदारी र सहकार्यको म सच्चा कदर गर्छु—नियमको सम्मान गर्नु हाम्रो कर्तव्य हो।
फेरि एकपटक, यो अद्भुत यात्रामा तपाईंहरूको माया र समर्थनको लागि म हृदयदेखि धन्यवाद दिन चाहन्छु। तपाईंहरूको साथबिना यो सम्भव हुने थिएन।
धन्यबाद सहित,
बिनिता छेत्री र टिम
जीत को हार्दिक बधाई र शुभकामनाएं
संजय मल्ल
अध्यक्ष व संपादक
गोरखा इंटरनेशनल
She danced. She conquered. She IKON-ed it! 🏆💃
Binita & Yash Master take the trophy – and our hearts ❤️🔥
Watch #DanceIkon2WildFire Mega Grand Finale Part-2 now only on #aha
#WildFire #DanceShow #AhaVideo #ohmkar #fariaabdullah #sekharmaster
@sekharmaster @fariaabdullah @oak_entertainments
@yashwanthmaster @deepika_rangaraju @prakruthikambam @mumait @maanasnagulapalli
@vipulkandpalofficial @amrita_binita_chetry @barkat.arora @anshika_wondergirl @chirashreesagarika
@southindiashopping @vegajewellers @kohler_india @ultratech.cement
No comments:
Post a Comment